~^_^~ Merci ~^_^~

不知不觉，做左野两年啦，以前读书，由朝读到晚，番到屋企都要做作业，睇见爸爸妈妈番到屋企可以睇电视，觉得都系做野好。唔经唔觉，挨完高中，林住系大学可以轻松D，但系要处理既事，又一件接一件，到左期末考，仲忙过打仗。后黎做埋家教，日以继夜，维持生计，就更加觉得，不如早D做野，又可以稳多D钱，唔使做家教甘辛苦，最紧要系，番到屋企，唔使烦。

又好唔容易挨到毕业，稳到份工，入到去先发觉，好迷茫，唔知依份工岩唔岩我，做落野，先发觉，原来读书甘紧要，读唔好书果D人，先至真系做到PK，睇黎稳快钱都无系麻麻，唔系长远计。自毕业就立志做信贷(其实果时都系随口UP，以为信贷即系二手房按揭甘大把)，点知真系做左，做落又觉得几好玩，不过生存既法则就比较残酷啦，行错半步，就成年白做，哎，所以，林既野又开始多起身，虽然依家番到屋企，可以唔使做作业，但系，有时番到屋企，可能已经9,10点咯，又或者，番到屋企，林既野比读书果阵仲多，而且，仲系好难林得通既添。哎，睇化左咯，日日都有做唔晒既野，唔好似读书甘，考左个期末考，就全心全意放假，依家唔好话放假，就连休息都有客户烦住晒。仲要周不时搞D逾期、欠息你玩下，都米话唔烦，依家加个古灵精怪既leader，搞到我地做细既，无所适从，都系收下手，休闲下算数咯。

听日仲有听日既事，如果想番番去读书果阵，除非脱产考研啦，不过，唔知依家我仲有无甘好心机读书呢，读完出黎，依个世界可能又变左咯。曾经读书既记忆，我林要到我老果阵先可以去慢慢怀腼咯。

如果，时间可以番到读书果阵，几好呢。

 

今日，又系依个一个重要既日子，持续在近4年既家教生涯，好可能就系今日划上左一个完整，但唔知完唔完美既句号。林番起四年前，从得一个学生教起，收费只系12个半一个钟。到后黎做到同一时期有8到9个学生，收费达30＋一个钟。再到依家，纯粹系为左兴趣既教学。依四年既每一个星期六日，林番起，并不枉过。记得以前为左做家教，推左唔少约会，活动，甚至miss左唔少第二学位既课程，搞到有两科要重修（边有老师系以出勤率作为评分既标准架，可恶啊），有时都会觉得，家教并唔会增加任何既社会经验，绝对系至废兼职榜既第一位，但系，有时又会觉得，家教又系生活上不可或缺既一部分（睇下华师家教中介做得甘成功就知啦），起码佢应付左我既日常使费，甚至年度学费，亦不愧为大学生最喜爱兼职排行榜既第一位。但系家教始终比我既印象，都唔系一份兼职甘简单，毕竟佢里面会有好多辛酸（特别系一边瞌眼训，一边教书，简直就系对精神力既莫大锻炼啊），又包含左好多无奈，无计啦，就算自己学得好，亦唔一定可以教得好，相信依种无奈，好多作为老师既父母都可以体会到，所以我先要挑战依种难度，哈哈（因为甘样先可以培养自己果种领袖既气质架嘛，唔想一世做打工仔既你，就一定要去做下家教啦）。另外，家教会比到我一分责任感（所以先会有上面提到既，就算家姐话请我去“大渔”，如果我有家教，我一样推，依家林起，认真猪兜啊），依样野，作为男仔既我，当然唔可以无啦，哇哈哈哈..

如果第日仲有人叫我再出山，我仲应唔应该继续教落去呢？

今日，又系依个月比较重要既一日，点解呢？米就系要学车考电子蝴蝶桩罗…经过左改良既蝴蝶桩，不合格率高过以前好多，不过亦都有人性化左好多喔，例如话：可以偷停啦…但系由于唔系人工睇，咩野都用电子枪，所以无乜情面可以比咯，唔过就系唔过，全凭实力。

    所以一大早，我就整装待发，搭车去岑村，经过左一个早上既热身之后，就满怀信心甘去到果个地狱考场啦，白茫茫既一面，加上中午热兼晒既阳光，真系有D透唔到气啊…之后教练去左报名，而我个心，bibobibo甘跳，有D胁添，好耐无甘既感觉啦，以前读大学果时考试，都未甘胁过，就算未温晒D书就去考都好，起码唔识做，都可以偷睇啊..不过依家，全靠自己啦…

    等待既时间好难过，广播偏偏又不时大大声甘播…XXX，考试不合格…my god。吓死猪啦…过左半个钟之后，终于到我地team啦，第一个系安仔，佢好劲架，又稳定，结果，当然系正常发挥啦，pass；第二个系师然，佢份人就比较急燥既，第一次，就complete果时，竟然撞桩..fail左，跟住补考，震到佢成日抹汗，我地都邓佢紧张啊，好在，涉险过关；跟住就到我啦，师然既“超常发挥”，令我抱住好大既压力，加上如果真系唔过既话，要等两个月啊，又要请假黎考，好麻烦架。我慢慢甘行去部车度，教练见到佢，系甘同我讲：“同练习一样就得架啦，唔使紧张，过梗”，但我当时真系咩野都听唔到，加上炎日，D汗系甘留，“考试开始，请倒车”，我终于镇定同认真起身，加番平常既心态，去面对依场考试。“鬼门关”入左.中间既“追中桩”对于我黎讲，无乜难度，不过我又唔敢前，亦唔敢后，一句到尾――“怕死”…结果度度都追得好辛苦，好在无乜太早或者太迟，所以都无乜，最后，系“鬼门关”出番黎，差D撞桩，好在及时调整，偷一偷停，定一定神，已经发觉只脚震得好犀利，系甘震，系甘震，我停低车，教练跑过黎，叫我落车，我同佢讲只脚震得好犀利，结果佢林都唔林，一巴打落我只脚度――定晒…嘻嘻，一落车，成个人松晒，yeah..pass..跟住到家姐上，佢仲一波三折，但最终都系pass左，几惊漏低佢啊，呵呵…全team pass，向下一个项目，九选六出发..yeah…嘻嘻

   近几个星期，周末都无乜时间，都觉得自己已经好耐无写D野啦，近排“充实”既生活，真系压到有D透唔过气黎，不过无所谓啦，最紧要乐在其中啊嘛，为自己既目标去进发，相信总会有实现既一日既。嘻嘻

    听日支行装修，我地做细既，又要番去做孤喱啦，无计啦，听话既人，通常都系比人使既，不过阿妈教落，小小事，无需计较啦，总有佢既价值所在既，呵呵---自我安慰。

    就快五一啦，又可以好好甘去玩下，或者投下。紧张既工作，可以暂时放埋一边啦，不过系佢之前，就要挨过连续8日既番工先，而且，仲要考倒桩试啊，好紧张…55555

      向世界出发，终于播到梁泳琪特辑啦..作为梁泳琪fans既我，当然系追啦，嘻嘻...

      今次既主题既女儿国--恋爱崇拜...讲到女儿国，就即系云南既摩梭旅，果度仲系母系社会时代，女人话事，家族里面，唔存在爸爸，爷爷，男不娶，女不嫁，一世走婚，自由恋爱，可以有好多个情人。但系甘样，依然有无数情人都只会一生爱一人，晚晚入夜之后，都会跋山涉水去到情人既花楼过夜，然后系日出之前离开，依种态度同依种坚持比起我地依班来自文明国度既人，真系一个天，一个地啊，点解会甘既呢？人地无婚姻既束缚，都依然可以为爱牺牲，为爱守候...

      可能稳梁泳琪做依辑既向世界出发，真系好岩，林起佢当年，初入情场，为恋爱，竟无辜甘比人话系第三者，跟住坚持左落黎，稳定左之后，守候左八年，最后都系分手...点解...

　　今日，终于迎黎左客户经理面试既日子啦，不过黑仔既系，搭车番公司，坏车，搞到要坐11路，个面试9点就开始啦，几惊迟到啊，不过好在，我排得比较后，21号(我初中果时既学号)…点知番到去，见D同事都唔多紧张，所以我就先做手头上面既事先啦，不过一路都系心挂挂，就打算唔做住，背讲稿，系甘系度口up up，比D同事笑：“你都定左系依度架啦，紧张咩啊，收梗你啦，D科长实睇你既”我心林，如果行长唔睇我就死啦。
　　终于等到差唔多11点半，离食饭时间仲有半个钟，雪莹姐落黎叫我上去，好紧张啊…个心跳得好快好快，D同事又开始“勉励”我，不过都系好紧张，对住全支行既行长同科长喔，唔紧张就怪，一路系度背讲稿，但系个脑空左，完全背唔入(其实我已经背左几日，都几熟下，不过依家又玩失忆，点算)。
等左一阵，睇下个钟，到我啦，心林，要快D defeat，因为行长科长们都要开饭，可能会无心机听我吹水。
　　一行到入去，我开左个手机既录音功能，打算将我人生重要既依个moment记录低，坐低，就开始讲“各位领导，大家好”(心情愉快，笑容满面，扮出黎既)
首先发烂既系负责个金业务既陈珊珊行长，佢问：“你对个人客户经理，有咩野认识啊？”—心林，唔识答添，点算，吹水罗“我系枫叶同营业室实习果时，可能会接触得比较深D罗，可能依家时间耐左，记得既，可能就得番D比较基本既业务知识罗，而理财方面，当然无个金班同事甘熟啦。”
跟住我都未回气，佢已经问：“你好似个人客户经理同企业客户经理都有报个喔，你打算向边个方向发展既呢？”我林，弊啦，我事前预计既野终于发生左，不过一路都系林唔到比较好既答案，所以就照直讲：“其实系因为当时个人客户经理既试先考，所以我米参加罗，主要系打算为企业客户经理既试做准备，睇下D题型，甘之后就有个底啦。”即系激到佢行左出去，觉得对我既问话已经ending左，无佢既事啦――心林：大祸，讲错野…
　　跟住就到左负责信贷业务既林行既敲问啦“你系小企都做左一段时间啦，你觉得你应该点样去做好一名客户经理应该做既事呢？”哈哈，岩晒，完完本本甘将我份讲稿几乎背左出黎（好在果时D记忆又突然间番番黎姐）。之后，到左最大既正行长方行问话啦，佢目光如炬，有D恐怖，何况果副唔识笑既表情，好似嬲左成村人甘，原来唔敢同佢有咩野眼神交流，佢问“如果去开拓客户呢？”，好在，我又背过，又完完本本甘背书，而且顺便赞下关科（我上司）几句，perfect，不过最惨既就系衰多口，最后讲左“因为外资银行已经入主中国，所以要加快开拓客户资源既步伐”，方行即刻反问：“请问你可以点加快呢？”死人，依个问题，我未林过喔，吹水，一于吹水，于是吹得一塌糊涂，方行当然系long埋块面啦，OK，all is over，最后我加多句：“好多谢各位领导比我一次展示自我既机会，多谢大家，88”
　　垂头丧气甘行出依个会议室…凶多吉少…哇哈哈哈

     初八啦，番到公司，第一时间就当然系换番件衫，然后系后门排队等D已婚既同事番黎罗利是啦(之前已经听讲过我地粤秀有甘既传统架啦，哈哈)，一踏入8点，排队既后生仔女越黎越多，而已婚人仕亦都陆续番黎啦，太好啦，一人一封，唔使挣，场面非常之虚陷，作为新人既我，第一年见识到，突然间觉得粤秀既凝聚力都有番甘上下啊，唔错，甘做野起身，先唔会觉得自己系一个人系度做野，而系好多人一齐teamwork紧。收到支行既利是，见差唔多9点啦，网点都就快开门，就同一班同事去网点搜刮下，岩岩好，去到岩岩开门，连去左天润，穗园，太阳三个网点，搜刮到唔少，不过黑仔既系，去到太阳果阵，逗留得太耐啦，岩好撞到行长去派开门利是，晕低...哎，又比行长一个唔好既印象添(蛇王出黎网点逗利是，5555555)“其实我系黎了解下网点既贷款情况架炸”---简直系excuse...

好开心啊...yeah...唔想甘早结婚，嘻嘻...

      岩岩过完情人节，小兵的故事之情人节献礼里面果句

(今年我快23岁了 
情人节的第二天生曰，是个好曰子。 
前一天送礼物给人，第二天就能收回。 
但这22年来我从来都没送出过情人节礼物。 
因为还没有女孩子喜欢过我 
或者有，我不知道哦。)

真系好应景啊...不过呢，依个情人节都过得几开心...再加上今日生日，爸爸又赶番黎同我去行花街，都算系甘话啦...

已经23岁啦..净低系时间唔多啦..要努力D做野，为未来着想...

重开日期为2007年2月1日

    仲有几日既网点实习，时间真系过得好快啊，第日，可能好少同佢地再交流啦..系枫叶路支行，个个都好鬼Nice，辉哥，细超(师傅)，宜姐，红姐(当年系建设大马路既街坊啊)，个个都好好人，有时香姐可能比较燥D，不过都系为左我地好(佢真系我地好似仔甘架)，最后，讲到我地果个好钟意吹水既行长，讲实，佢真系好吹得，仲吹得过我依只“水珠”，但系系佢身上，我真系学到好多野，同时，亦都令到我睇未来，有左一定既规划，有左前景，对于“正在迷途”既本猪，简直就系“苦海明灯”啊(夸张左D，嘻嘻)。特别系佢果个“令佢当时选择左结婚”既哲理故事：如果一个人，系个麦田度行，选择其中既一棵小麦，麦田里面种满晒麦，佢林，一定要拣棵最好，而结果呢？？佢拣左一棵，放低，因为佢觉得，系前面，一样会有一棵更好既，所以，直至行到麦田既尽头，佢都拣唔到任何一棵小麦(当然啦，游戏规则系，佢唔可以向后行)….其实明眼人都可以明白依个故事，如果运用系行长既个案度，就即系叫我地要好好珍惜眼前人(女朋友又好，老婆又好)，如果永远都系见异思迁既话，最后只会无伴终老，孤独一生(甘似华英雄既)。同样，依个故事一样可以运用系职场上，甘就可以解释，点解依家仲要有应界大学生，仲未稳到工做啦，就系因为死甘系职场上搜索，永远想稳最好既，结果，一事无成…希望大家以后跳槽果时，注意啦…嘻嘻..
    下个星期就要去从化培训啦，但愿一切顺利啦

随着意大利点球胜出，世界杯月终于结束。意大利夺冠本来应该好开心，但系，个中既插曲，又令悲哀掩盖左原有既快乐---点解Zidane要用甘样既方式离开我地，本来，佢可以伟大甘离开，令所有既球迷都铭记住依一晚，但系，马特拉斯….佢究竟同zidane讲左D咩啊？？(旁白：唔通系讲，当时就系我，换左你只洗发水，搞到你地中海架啦。)结果，zidane就甘离开左我地，最后，仲要点球，查仔头入唔到，相信个个都会假设，如果依波系zidane射，结果可能完全唔一样，的确，如果射落去，以巴夫斯既状况，扑到波既一定系佢，保方扑点球真系好屎啊…

世界杯已经结束，zidane，依位大师就只能存在于我地既记忆啦。作为一个平凡人，需要学习既，唔系佢魔术般既波技，而系佢果种精神…

就要番工啦，系依度，都为自己打打气先，要力争上游，学zidane甘，要一气呵成，就要唔可以比对手有踢低自己既机会。

唔好意思啊各位，依排比较忙，搞到都唔得闲去update个blog添。

依个月，我林我渡过左大学四年最忙既一个月，几科考试，家教补习（因为佢地都初三高三啦，可谓时日无多），再加埋毕业设计，简直系度玩紧“反恐24小时”甘啊...plan到我都乱晒。

不过过左寻日，一切都变得轻松左好多，因为最后一科既托业英语试都考完咯。行出教室果一刻，就开始觉得，自己已经同“考试”依个词脱节甘啦。虽然，托业的确都系考得唔多好，比起第一次，少左时间去准备，做题，最重要既系，系时间分配方面，仲系做得唔好(搞到最后有10题撞既>.<)我林最主要既原因系：唔够训，精彩自然就思考能力下降架啦…事关夜晚补完习番屋企，12点先训，早上又要6点就起身，搭车去广外，真系猪都死啊…

其实可能今次报名，简直就系浪费钱既行为，因为其它既考试，搞到依科完全系靠平时既锻炼同积累去应付既，状况亦都无调整好，无办法啦，星期六先考完果科“财务管理学”，都已经半死状况啦…但毕竟在校学生有六折优惠，过左依个学期，毕左业，就无架啦，last change，点都去尽去，考个优啦：@

考过晒D考试之后，下一个plan，就系九月既BEC啦(近排都有D同学问我：“你都稳到工啦，仲考甘多证黎做乜呢？”…人系要不断自我增值架嘛，一停系度，就代表会有比其它人淘汰既危险，聪明既猪，又点会甘做呢？嘻嘻)

试就考完啦…唯有祈祷：一定要罗优秀啊，如果唔系，就白考架啦(事关上次已经考左“高级”)，最好网工都过埋(除非奇迹出现啦..)。

好啦…加快猪手猪脚，搞埋个设计，系六月可以出外旅行一番，再休息下，就番工咯..

大家要一齐努力啊：@

阿妈九大口头蝉:
1.著多件衫呀 （不論寒冷或酷熱天氣警告都會聽到)
2 生舊叉燒好過生你 （點解係叉燒? 雙拼叉鹅會唔會好D)
3 隔離陳師奶個仔讀書都唔知幾叻 （係囉, 妳都話"唔知"落,講黎把鬼咩)
4 早D訓啦, 晚晚都咁夜訓, 聽朝返工/返學唔夠精神呀（不如你早D訓聽朝準時叫醒
我啦)
 5 第二樣野冇見你咁叻, 駁咀你就最叻 （你遗传的啊！）
6 睇電視唔好坐咁埋呀, 睇壞對眼呀 （阿媽, 太遲啦,就係對眼壞左先要坐咁埋睇)

7 叫0左你唔好夜晚洗頭, 第二日老0左你就知 （第二日咁快就老？)
 8 得閒帶個女仔返黎食飯啦 （帶男仔得唔得啊？)
 9 幾時結婚呀 （結婚, 結婚, 結完就分, 有乜好結喎)

　　时间已经黎到2006年既5月12号，仲有两日，又到左一年一度既母亲节啦。22年既养育(下一年，轮都轮到我养佢啦)，可谓“可怜天下父母心”啊...我依位不孝子，年年都无点表示，其实今年都无，不过请下几位母亲饮餐茶(包括家姐，伯娘，老母)，都可以做得到既(无办法啦，老一辈，唔多钟意去D比较in既地方食野，饮茶最岩key。
    　唔知大家又有咩野节目呢？仲有两日，提议下啊....

PS：应羊既承诺，稳番依篇，系七年前既关于母亲节既优秀作文，如果大家有记性既话，都会记得，果年既母亲节发生左咩野事架(1999年5月8号)----由于本猪岩好收藏到果篇作文，同大家share下啦。
   
BEGIN
    　“天上的星星不说话，地上的娃娃想妈妈….”遥远的星空里传来一曲<<鲁冰花>>，我望着深蓝的天空，一闪一闪的星如宝石般深嵌在里面，每个星星都想向我诉说一个故事…
　　桌上的报纸静静躺着，封面上是三张黑白照片，每张照片下面都有一段文字：“许杏虎，新华社驻南斯拉夫记者…”“邵云环….”“朱颖，美术设计，驻南斯拉夫…”
    　明天就是母亲节。一位母亲没有收到孩子的礼貌就匆匆离去，一位年轻的妻子还没成为母亲就客死异乡…
   　 我的心沉甸甸的，没有再多的愿望，只有一个幻想：能在两位成为母亲或还没成为母亲的记者阿姨的颊上，轻轻印上一个儿女之吻，轻轻献上一束美丽的康乃馨…
    我走在街上，也在为母亲选花，一束束鲜艳的百合、山菊，仿佛在今天为全世界的母亲开得异常灿烂，街头两旁，女儿拖着妈妈，儿子扶着爸爸，浓浓的亲情把人们的心暖得热烘烘的。
    　我仿佛看到，自己手捧着鲜花献给两位记者妈妈，她们的脸洋溢着花儿一般的笑，红红的，暖暖的，我脱下邵阿姨的眼镜，擦去她额角的汗，甜甜地在她的脸上吻了一下；又跑过去拨开朱阿姨耳前的季节性，为她插上一朵百合，再在她耳边说着悄悄话...
   　 现在这只是个幻想，实实在在的幻想，我的泪落下，在这个落泪的母亲节里，我在日记上写下这着诗：一位母亲泪眼盈盈，一位母亲匆匆离去…多么希望能为她们献上一束花，多么希望能在她们脸颊吻一下，多么希望为她们送上一首<<鲁冰花>>…
END

由于依个星期都入唔到space，所以特地将D日记补上...

2006年5月9日

 

相信大家仲记得，系1999年果个5月8号，果个伤心既母亲节，北约炸中国驻南斯拉夫大使馆，一位已经是母亲的母亲邵云环，一位将要成为母亲的妻子朱颖，就这样离开左依个可爱既世界.....(本猪将系本年既母亲节提及此事，多多G持)
        2006年既今日，同样系一个令世界球迷悲伤既日子，特别系Real Madrid既球迷(例如本猪)，一代艺术家系Madrid上演左左佢既伯纳乌绝唱，8万名球迷关心既唔再系场上既比分，而系佢---Zidane既场上既每一次停球，每一次射门，以及每一次精彩既过人(精彩过人动作：马赛大回转)。大家既口中，都念住：“Garcias，Zidane!”
        场上皇马一度落后，zidane从未放弃，用一个精彩既头球，扳平左比分，为佢既完美谢幕增添左亮丽既一笔...伤心既时间终于来临，全场球迷都向裁判呼喊住：“不要吹哨!不要吹哨!”--因为大家都想见多Zidane几面。相信系果一刻，每个人都望住身上所着既果件为5月8日特制既皇马球衫(2001-2006 Zidane)，回想住，依5年黎，Zidane所带比佢地既欢乐，精彩瞬间，同埋带比马德里既荣誉---如果系皇马既资深球迷既话，相信大家都会记得，01年冠军杯决赛，Zidane果脚“车身凌空抽射挂网”既入球....
        一位堪称完美既艺术家随住一声长哨离开左佢所钟意既伯纳乌足球场，系佢既头上，实在有太多既光环啦(98世界杯冠军，2000欧洲国家杯冠军，意大利联赛冠军，意大利杯冠军，西班牙联赛冠军，西班牙国王杯冠军，欧洲冠军杯冠军，欧洲超级杯冠军，洲际杯冠军)，一切对于佢黎讲，都显得十分平静，佢曾经话过：“退役并唔可怕，我唔想离开我所钟爱既足球，但我会听身体既感受，而我必须番去，我的孩子在等着我，如果有一日，在街上，仍然有球迷热情甘向我要签名果时，我既感觉，会如当初第一次被人索要签名时，那般兴奋。”
        .....期待系世界杯，Zidane一路走好.....为佢既足球生涯划上一个完整而又完美既句号。

         寻晚，系整理以前收集既“野”果时，发现左一张已经被尘封既剪报，系依家再细读一番，感觉同当年，完全唔同。

                                                               人生
        人生系场戏，编剧系你，导演系你，主角系你，配角系你，同时，台下既观众都系你。
        对于人生，唔同既人有唔同既睇法：
        数学家话：“人生就系一个折线图，图中既每一个折点，都系人生既转折点，人生随着折点既增多而向前。同时人生又系一个有无数个解既方程，当你求出一个根时，后面仲有更多既要需要你去求。当你稳出最后一个要时，人生即系随之而走到尾声。”
        物理学家话：“人生就系一列波，有波峰同波谷，你唔可能永远系波峰上，亦唔同可能永远系波谷。无数既波峰同波谷，构成一个曲折起落既人生。”
        化学家话：“人生就好似原子核外既一个电子，自始至终围绕住原子核依个目标转。”
        长跑运动员话：“人生就系一场马拉松，活着就系为左跑落去，唔可以因为一时既领先而慢落黎。”
        游泳运动员话：“人生就系海潮中既一滴水，系茫茫人海中载浮载沉。而系其中既千波万浪，就系生活中既波澜，从而造就精彩既人生。”
        旅行家话：“人生就系一次远足旅行，目的地就系理想，风帆就系才智，顺风扬帆，你就以一半既汗水两倍既速度到达目的地。”
        End....

         而我话：“人生就系一场无得resume既游戏，每一次既挫折，就系每一只小boss，系我未打败最终boss之前(达到我既理想)，我系唔会轻言放弃架。

       4月30日，系某虫提议，三五成群(无个好人)结伴，日游大学城，其实，如果大家有记性既话，都会记得，系本blog，有篇系“夜游大学城”既文章啦，果晚系为左睇波(AC对里昂)，加上夜游同日游，风景同感觉都差好远....
       8点15分，一条夺命追猪call:起身啦，人人(包括敏，man，fu，同埋明星李威)都黎齐啦，等你炸(大概意思)...爬起身，洗面刷牙，飞车去会合，全程30分钟... 第一站：华师...首先过左条好少人行既天桥(因为D学生通常会选择过马路)，黎到图书馆前，正当想影相，点知..保安杀到，岩晒，叫佢帮我地影张集体既(嘻嘻，其实佢系打算过黎同我地讲：D单车唔好周地摆，阻街喔)。跟住去到虫虫既实验室所在地，相传依度系搞TNT架。
       第二站：星海...艺术气息好好，从D行过既靓女身上已经感受到啦(嘻嘻)，不过入黎有D怕怕，D保安叔叔唔系人甘品，不过我照冲，唔理佢。入到去，无乜靓景，不过有个鱼池，好多鱼，可惜无带面包...
       第三站：中大...路过...众女仕话：D房屋睇起身好陈旧，费事入去...
       第四站：广外...好靓，好似入左一个小区甘，好舒服，三条石桥，好有特色，加上一个“别墅区”，同凤凰城差唔多。而且，D楼梯设计得好好，一截截甘上，好多D上升紧既股票甘，步步高升既寓意挂，而且少左曲折。之后，唔经唔觉，又到食饭时间啦，踩左半日单车，都觉得有小小累，去到饭堂，岩岩落课，“时间”岩岩好啊(人文风景特别好啊嘛)，入去到，正，好有依家既“龙洞”feel，餐饭都唔错，几好食，食饱之后，继续起程。
       第五站：广中医...趁个保安转身，飞车入去，游历左一圈，发现两棵特大既保护树种---“木棉树”，旁边仲有几个好大既榕树，好似做护法甘，有两只船long左系上面，依度仲要四处无人添(可能D人去晒训中午觉啦)，好奇既我地，米入去望望罗，果然有好多护法系度守护住依两棵木棉，过左一排，我地先知道，手上面有好多蚊懒，而且好大粒，D蚊仲追住我地(同白纹依蚊有D似)之后又去左传说中既“解剖室”，果然，守卫深严，无可能接近到，仲林住入去睇下个“停尸间”添...
       第六站：华工...由于好多楼梯，唔方便踩单车，所以系外围踩左一圈就算数啦，最搞既，就系man姐冲落玻果时，唔小心撞冧左一旧平时罗黎挡住D车辆驶入校园里面既大石桩，好在个石桩唔系固定既姐，人无事，睇黎华工唔多利靓女....
       第七站：广工...黎到本猪学校，当然要尽下地主之谊啦，不过黑猪既系，系参观果栋专门用黎跳楼既“东14栋”果时，竟然落雨喔，搞到大部分时间系系饭堂度过...
       第八站：广美...唔比入，路过...
       第九站：广大...去左果个钟楼，见过广大既校训(“博XXX，XXXX”----基本上我系唔记得既)，仲去左果个新开既商业区(地点选得好好，广大广州人多，消费能力比较强)，岩好有show睇(cyworld搞既)，见到D人跳hiphop，竟然间，发现左一个熟悉既身影喔，严领志同学---佢同我同李威，虫虫，敏都系初中同学，佢既吉他弹得好好架，可惜会方要清场，睇唔到佢既表演...
        最后系回华师既路上，先发觉，两只猪手都系有烧焦既味道，一睇，红晒，哈哈，虫虫都系...但系小小既痛楚，比起今日既所见所闻，又算得系乜野啊...转眼四年，依四年去其它学校既总和，都唔及今日既多...深居简出既猪，睇黎要改改先得啦，正所谓：“读万卷书不如行万里路啊嘛”(大家唔好误会，我深居果时，绝对唔系系度读紧书)....

好不幸被 andrew点左名，事不宜迟，事关夜了，拿拿答完问题，训个觉，阵间落力诅咒阿仙奴。

Ｑ１．你会为了家庭放弃事业吗？

       齐家治国平天下，家都齐唔到，学咩人做大事业啊？

 

Ｑ２．在这个时期,是否真的觉得自己有尽力思考,自己是以什么目的而生活,比方说,自己,家庭?

        为左我既人生目标(非常简单：就系第日出街食饭，去任何一间酒楼，“只需要”望住张餐牌既“右手边”黎点菜就得啦)。

 

Ｑ３．你希望在别人眼中，你是怎样的人？

         希望自己系人地眼中，系一个可靠，有安全感既男仔。

 

Ｑ４．你目前面对的最大难题是什么？

        好多事情撞晒期罗

 

Ｑ５．当你意识到你做错了一件事,后果很坏, 你会点？忠于自己的感受将错改正翻定系介意别人的睇法而继续做下去,独自承受着？

        无必要一错再错，真正了解我既朋友，系唔会对我有“睇法”架；唔了解我既人，我唔mind佢点睇我...

Ｑ６．最想实现的愿望是什么？

       就系实现晒依家想要实现既所有愿望(例如，赚多D钱，买楼，赡养双亲，稳个贤良淑德既老婆仔，睇住自己既孩子长大成人，最后无病无痛甘离开依个世界)

 

Ｑ7 ．你觉得幸福系因为？？

       知足常乐，好多野，洽如其分就OK啦。

 

Ｑ8 ．你希望怎样的过这辈子？

    平凡....

 
Ｑ9  . 你会答依D问题系因为

    希望我既朋友更加了解我。
 

Ｑ10  你会因为父母而放弃爱情吗？

    我父母自细就唔会理我甘多....
 

Q11 你觉得你疲惫了，是什么动力继续推动你前进？

    一张写住“毅”既书签(我毅力既根源)
 

Q12 相信自己会获得幸福吗？

      依家已经好幸福(如果可以再稳到一个自己钟意又钟意自己既女朋友就好啦)
 

Q13 别人指出你的不足时，你的第一反应系？？
       听取人地既意思，再自己去分析自己既不足。

Q14如果一件事做到一半你发觉可能最后都五会成功。你会点做（坚持落去，定系中途离开，定系)
     “选择离开，还是靠近”，依个学问，我自问仲未掌握。

Q15你会“爱要说出口”吗？
       要.最能够传情达意既，除左文字，就系语言.....但唔会经常讲“我爱你”...

Q16你会为你的另一半而改变自己吗（五系暂时的改变喔）？
       如果系习惯方面既，唔好既米改罗，如果性格方面既，唔会。我相信未知既“佢”都唔希望我甘做。(如果“佢”系善解猪意既话)

 

我就唔打算点名啦...大家放心